Jowo Arsip — Warta Desa

Pekalongan Kota, Wartadesa. – Sekolah Menengah Atas (SMA) Masehi ndadak tutup, Jum’at (13/07). Tutupe sekolah sing manggon neng Jalan KH Mas Mansyur 95 A, Kelurahan Bendan, Kota Pekalongan, ndadekke 40 murid lah 16 guru bingung. Padahal sedelo neh wis mulai tahun ajaran anyar.

Para siswa nggelar aksi nolak tutupe SMA Masehi, anggo kertas tulisan sing intine isik pengin sekolah neng SMA Masehi Pekalongan. Kabeh protes kerono penutupan sekolahan sing ndadak seko pihak yayasan.

Protes sing digelar pirang-pirang jam, ora nono respon seko pihak yayasan. Alan Fernanda (15), salah sijine siswa ngomong nek aksi siswa dilakoni lantaran arep memperjuangke nasib murid-murid sing isik pengin sekolah.

“Para siswa nembe ngerti nek sekolahan tutup mau isuk (Jum’at 13/07) padahal telung dino neh wayahe mlebu sekolah tahun ajaran anyar. Nek ndaftar neh neng sekolah liyone, pendaftaran wis ditutup,” ujare Alan.

Alan ngaku bingung, sebab deweke sik pingin nuntut ilmu, ora mandek. Tapi sekolahe ditutup ndadak, “Deweke bingung arep sekolah neng ngendi, wong tuwoku yo nunggu keputusan seko yayasan,” lanjut Alan.

Samuel, Kepala SMA Masehi nuturke, nek pihak’e oleh pemberitahuan penutupan seko pihak yayasan ndadak. Samuel oleh pemberitahuan penutupan sekolah dino Kamis (12/07) awan. “Kami juga bingung, kepriye nasib para guru lan murid-murid, lantaran keputusan tutupe sekolah ndadak banget,” ujare.

Samuel nambahi, terkait nasib guru, mengkone arep ono rapat bareng antara pihak yayasan. Sedang nasib murid diserahke karo wong tua murid. Terkait proses pemindahan siswa sing wis kebacut sekolah neng Yayasan Masehi, samuel durung ngerti, siswa arep dipindahke nenggendi, soale durung ono kepastian seko yayasan.

Nyikapi tutupe SMA Masehi, Badan Musyawarah Perguruan Swasta (BMPS) Pekalongan, Masrukhin nuturke arep koordinasi karo pihak yayasan. Masrukhin ngarepke ono titik temu antarane pihak yayasan lan sekolah terkait solusi pemindahan para murid.

Miturut David Santosa , Pihak Yayasan Masehi mutuske nutup sekolahan lantaran jumlah siswa anyar sing ndaftar anjlok nemen. Target yayasan, David nglanjutke, ngembangke karo ningkatke guru karo sistem pendidikan sing kualitase luwih apik.

David nambahi, pihak yayasan wis melakukan mediasi karo pihak sekolah terkait pemindahan para murid. Kemungkinane siswa dipindahke neng SMA Santo Bernardus.

“Kabeh siswa iso nglanjutke sekolah lan biaya pindahan ditanggung yayasan, wong tua murid mung nanggung biaya SPP,” ujare David. (WD)

Batang, Wartadesa. – Tego nemen tindakan sing dilakukan Prakoso Aji (18), warga seko Desa Semayu, Kabupaten Wonosobo. Deweke tego nglakoni tindakan “U’uk” (asusila) karo sedulur sepupune, J (7), bocah kelas SD neng Kecamatan Wonotunggal, Kabupaten Batang.

Kelakuan cabul sing dilakoni Prakoso Aji, wis dilakoni ping telu. “Anakku ngaku wis di “U’uk” karo sepupune ora pisan pindo, malah ping telu,” ujare ibu korban, Jum’at (13/07) sak wise nglaporke kedadian sing nimpa anak wedok’e neng Unit Perlindungan Perempuan dan Anak (PPA) Polres Batang.

Pengakuane ibu korban, Prakoso Aji pancen sering nginep neng omahe korban. Malah pas lebaran 2018 wingi, korban dilecehke neng omahe korban.

Ibune korban awale ora curigo marang pelaku, lantaran sik mambu sedulur. Tur sering nginep neng ngomahe. Tapi pas anak’e ngeluh, jare loro neng bagian “suwuk”, akhire ibune ngecek. Pas dicek ternyata bener, ono bekas memar neng bagian suwuk anak’e.

Ibu korban langsung nakoni J, sopo pelakune. Korban ngaku, pelakune sedulur sepupune, Prakoso Aji. Korban ngaku perbuatan biadab sing dilakoni pelaku wis kaping telu. Pertama neng ruang tipi, terus neng kamar tidur, kaping telune neng ruang tipi maneh.

“Anakku mraktekke, kakang sepupune nindihi awakke, terus nglebokke “sesuatu” neng njero suwuk’e” ibune korban nambahi penjelasane.

Ngrungu kedadeyan koyo ngono, akhire ibune korban nglaporno neng Unit PPA Polres Batang. Deweke ngarep yeng pelaku oleh ukuman sing sesuai karo kelauan pelaku. (Sumber: radar pekalongan)

Jowo

Ndadak, SMA Masehi Pekalongan tutup

Tego, bocah SD di “u’uk” kakang sepupune

Ndadak, SMA Masehi Pekalongan tutup

Tego, bocah SD di “u’uk” kakang sepupune